భావం భాషను వెతకడం నేరం
అక్షరాలకు ఆలోచన లేకపోవడం పాపం
కంటికి ద్రోహం చేసేవి రెప్పలే
శిక్ష విధించే చట్టం లిఖిస్తాను
ఆశను నిరాశ ఎందుకు ఓడించాలి
రిఫరీ లేని ఆట
గింజలేరుకునే పిట్టలు కాన్వాసు మీద చిత్రమైనప్పుడు
పొలం ఎవరిని నిందించాలి
నీరూ నిప్పూ చెలిమికి
ఆమోద ముద్రలు ఎక్కడివి
ప్రాయశ్చిత్తం ప్రాధేయ పడడమేంటి
ప్రశ్నకు ఒకే జవాబా
ఆ దృశ్యం అదృశ్యం
వెనుక అదృశ్య శక్తి నువ్వేనా
క్షమాపణా మన్నించు
చీకటిలో ... ఎవరూ చూడకుండా ...