చీమల పుట్టలు తొలిచి
పాముల పుట్టలు పొడిచి
పంట చేలల్లో
పరిగెత్తే సెలయేటిలో
కొండలు పిండి చేసి
అడవిని ఆక్రమించి
వన్య ప్రాణులను భుజించి
వనాలను హరించి
ఆకాశాహర్మ్యాలలో
గాలి కొని ..నీరు తిని
దేహం ఒక అనారోగ్య దేవాలయమై
ఎందుకు? ఏమిటి? ఎలా?
కళేబరాలను బతికించండి
మోడులు చిగురింపజేయండి
విత్తనం నిమిశాలలో కాయలు కాస్తుందేమో
పుడుతూనే పిల్లాడికి ఉద్యోగం వస్తుందేమో
నిర్మూలించిన వాటికి నివాళి అర్పించండి
అంతరించిపోతున్న వాటికి అంత్యక్రియలు
కనిపించని కానలకు కర్మకాండలు
ఎందుకు? ఏమిటి? ఎలా?
పచ్చని ఆకులపై నువ్వు రాసిచ్చిన
మరణ వాగ్మూలం
ఇంకా రక్తమోడుతూనే ఉంది ..