ప్రేమ సూత్ర...

తొ లి చూపో ..మలి వలపో
అన్నీ చూసుకో ..అర్ధం చేసుకో ..

ప్రేమించేందుకు సరిపడా
ఆస్తులు.. అంతస్తులు ..

పనికిమాలిన హృదయం
ఎంత విశాలంగా వుందో ..

ప్రేమ సూత్రకు
కామ సూత్రం మూలం ..
భావ ప్రాప్తికి  'అర్ధ' బలమిస్తే..
'అంగ' బలం మంగళ సూత్రం ఇచ్చింది

ప్రేమించే హృదయం
మళ్ళీ కవాటాలు తెరుచుకుంది
పతితలను ..పతివ్రతలను
అక్కున చేర్చుకునెందుకు

కొన్ని అర్ధంలేని త్యాగాలు

ఆశ శ్వాసతో
కోరిక బతుకుతో
మనిషి మనసుతో
త్యాగం కోరుకోని బంధాలు

పరస్పర  అవకాశాలు
తప్పని సరైన అవసరాలు
ప్రేమగా నటిస్తూ
జీవితాంతం జీవిస్తాయి

ఉత్పత్తి ...
పునరుత్పత్తి లేని చోట
విత్తనానిదీ త్యాగమే
వీర్యానిదీ దానమే..

మేము మూర్ఖులం

ధని"కులం"
అర్భ "కులం"
మేము ..మీరు..
వీరు..వారు...
అందరం మూర్ఖులమే

అమెరికా వెళ్ళినా
ఆస్టేలియాకు వచ్చినా
ఇంగ్లాండ్లో ఉన్నా
ఈజిప్ట్ లో బతికినా

సామాజిక "వర్గాలుగా"
వీడిపోయి చెయ్యెత్తి జై కొట్టు తెలుగోడా ....

నీతులు ...బూతులు

రాతలన్నీ కోతలు
చేతలన్నీ రో తలు
 చెప్పేవి నీతులు
చేసేవి బూతులు

ఒక్కొక్కరిది ఒక సిద్ధాంతం
దాని కోసమే రాద్ధాంతం
అన్నీ వారికే   సొంతం
దోపిడీయే సాంతం 

కల నిదుర పోతోంది

కల నిదుర పోతోంది
కనుపాప కాపలాగా ..

చెలిమి చెదిరిపాయింది
కలిమి కారణంగా ...

ద్రోహంతో స్నేహం 
స్వార్ధమే గెలిచింది

స్వచ్చమైన ప్రేమకు
'నిరోద్' అడ్డుపడింది

పోరాడి గెలిచాను
ఓటమిదే  త్యాగం