కంటి పాపం

తడారిన కళ్ళు
చుట్టూ నల్లని వలయాలు
కుదురుగా లేని మనస్సు
యవ్వనాన్ని కాటేసిన వయస్సు

జీతం కోసం
అమ్మేసిన జీవితం
కంటి మీద కునుకునూ కొనేసిన కాలం
అమ్మేసుకున్నది ఏంటో తెలియని లోకం

చీమూ...నెత్తురూ..

ఆస్తి పంజరములా బతకడము
హాయిగా ఉంది
స్పర్శ లేని చోట
స్పందన కూడా ఉండక్కర్ల
విలువలను వలువల్ల
విసిరేసినట్టుంది
ఒక్క బంధం
తెమ్పేయ్
వేనవేల సంబంధాలు
తెగిపోతై
చీమూ నెత్తురూ
లేకపోతె ఎంత ఆరోగ్యం