సిగ్నేచర్
ఎవరు చేసారు ?
జ్ఞాపకాలు ద్రవరూపంలో
ఆల్కహాలంతా పొగచూరింది
కొన్ని గుర్తు చేసుకుంటూ
మరికొన్ని మరిచిపోయే యత్నంలో
పరస్పర వ్యాకరణ దోష సంభాషణలు
ఆత్మస్తుతి, పరనింద
కొమ్ములు వత్తులూ మత్తుగా
పేలుతూ తూలుతున్నై
గుండె మంటలపై
నిప్పులు చల్లుతున్నారు
గాయాల గేయాలాపన
ఘనమైన మంచు ముక్కలు ద్రవించి
మాస్క్ లు తీసి
నిజరూప దర్శనం
లైట్ తోలు కప్పుకున్న
రా ..క్షసులు
కనీ కనిపించని
వినీ వినిపించని లోకంలో
తీరని వేదన
మద్యం..తర రోదన
హామీలు ..ఓదార్పులు..
ధ్రువ పత్రాలు ..
కాలం నిద్ర లేచింది
రాత్రి హామీలపై ఎవరో ఫోర్జరీ చేసారు ..
7799214121
No comments:
Post a Comment