చీకట్లను చీల్చుకుంటూ
వెలుతురు దారి
చెమటలు కక్కుకుంటూ
అలుపెరగని ఓ బాటసారి
యూజ్ అండ్ త్రోలు
కొన్ని మరకలు
మరికొన్ని గురుతులు
చిందర వందరగా వ్యర్ధాలు
మార్నింగ్ వెరీ ఫ్రెస్షూ
ఈవెనింగ్ వెరీ స్ట్రెస్షూ
ఉరుకు పరుగుల జీవితం
ఆశే ఆసాంతం
పేరు మధురం
తీరు దుర్భరం
ప్రతి మనిషికి విరోధి
అది ఓ వ్యాధి
చక్కెర.. షుగర్ ..డయాబెటిక్ ..
ఎలా పిలుచుకున్నా
తీయగా పలుకుతుంది
ఆనక విషం చిమ్ముతుంది
ఆకలికి తీర్చే అన్నం విషమై
తనువెల్లా తూట్లు పొడుస్తుంటే
ప్రాణం కంటే ఎక్కువగా ప్రేమించిన
ప్రియురాలు గొంతు నులిమేస్తున్నట్లుంది
నిరంతరం చావు భయంతో
తింటూ .. బతుకుతూ
తీయనైన రోగాన్ని హాయిగా జయించాలనే
ఈ వేకువ పోరాటం
నీడ కూడా జాడ చూపని వేళలో
జీవితాన్ని కాచి వడపోసిన వాడిలా
ఖరీం భాయి చాయ్
నాకో షుగర్లెస్సూ...
(ప్రస్తుతానికి చక్కెర వ్యాధితో నాకు తీయనైన బంధం ముడిపడలేదు. చాయ్ బంకులు, టీస్టాల్స్ వద్ద ఉదయాన్నే వినిపించే పిలుపులకు స్పందించి)
శ్రిచమన్- 9490638222
No comments:
Post a Comment