వాసన..దుర్వాసన
మృతదేహం వద్ద ఉన్నట్టుంది
అందమైన పలు వరుస
లోపలంతా ఖడ్గమృగం కోరలు
నవ్వు ప్రాణం తీసేలా ఉంది
విశాల నయనాలు
చీకటి ఆవరించిన అద్దాల్లోంచి చూపు
చుట్టూ నల్లని వలయాలు
రెప్పలను కన్నులు నమ్మడము లేదు
కనుల వెనుక ఏవో కుట్రలు దాగినట్లు
నిద్ర నటిస్తూ కళ్ళప్పగించి చూస్తూ ఉన్నా ...
దయ లేని హృదయం
బరువెక్కింది
కార్పొరేటు చెల్లించి చికిత్సకెల్లింది
నిలువెల్లా మర్మం
దాచిపెట్టుకున్న చర్మం
మందంగా తయారైంది
ఊపిరి ఆగింది
తనను వీడి
తనువూ చాలించింది
చనిపోయాడు... మహానుభావుడు ..
ఎప్పుడు .. అసలెప్పుడు బతికున్నాడని...
రోజూ చచ్చి ..బతికి .. ఈ రోజు గతిన్చారా?
No comments:
Post a Comment