రీచార్జి నాలుక

బాబూ ...మాటాడు ...
మొబైలులో బాలెన్సు లేదమ్మా..

ఆ ఇంటి వంట గది రారాజు
ఏ పిజ్జా కార్నర్లో ఇరుక్కున్నాడో

బిడ్డ సెల్ లో ఉన్నాడు
మాటలు ఖర్చు ఐపోతున్నై

చార్జింగ్ ఉంటేనే
నాలుక పని చేస్తోంది

ఇప్పుడు మాట చాలా విలువైనది
ప్రీపైడ్ గానో , పోస్ట్ పైడ్ తోనో , లైఫ్ టైం వ్యాలిడిటీ ...

కొనుక్కున్న మాటలు
అమ్ముకోవడా నికే..

సెకన్ల బిల్లింగ్
నిమిషాల ఆఫర్
నైట్ బాలన్సు
అన్ లిమిటెడ్ టాక్ టైం

మనసుకు మాటలు రావు
మనిషితో మాటాడాలంటే
ఏదో ఓ నెట్వర్క్లో ఉండాలి
ఏ ప్యాకేజీలో ఉన్నావో చెప్పాలి

ఒక్కోసారి లైన్లన్నీ బిజీగా ..
మరోసారి కాల్ వేఇటింగ్
స్విచాఫ్ ..లేదా ఔటాఫ్ కవరేజీ ...

-శ్రీచమన్