విరోధి, వికృతి, ఖర ..
అవసరార్ధం వస్తూ.. పోతూ ఉన్నాయ్
మామిడి చిగురు రాలేదనో
వేప పూత దొరకలేదనో
వగచడానికి ..
పండగ నాకేమౌతుంది ?
ఏడాదికోసారి వస్తుంది ..
వెలిపోతుందన్న బాధ కంటే
వస్తోందన్న ఆశే బాగుంటుంది
రోజూ తింటే నిల్వ పచ్చడి
ఏడాదికోసారి తింటే ఉగాది పచ్చడి
ఆరంభం ఎప్పుడూ సంబరమే
ముగింపూ మరో ప్రారంభాన్ని ఆశించడం
అందు కోసమే ఈ నవ్యోత్సాహం
పండగకు నేనేమీ కాను
ఎదురుచూస్తుంటాను
పలకరిద్దామని ..
ఆహ్వానిద్దామని
ఆతిధ్యం ఇద్దామని ..
పరిచయం లేని ఈ ఆపేక్ష
ప్రతి పండగకు కొత్త బట్టలు కట్టుకుని
ఎదురు చూస్తూనే ఉంది..
No comments:
Post a Comment