ఉద్యోగం చేయబడును

ఉపాధి దేశపటం
నిరుద్యోగ సూచికలు
వాంటెడ్ కాలమ్ ఖాళీగానే ఉంది
వాకిన్ ఇంటర్వ్యూలకు నడవలేకపోతున్నారు

దరఖాస్తులో కొన్నింటిని పూరించలేక
వదిలేస్తున్నారు
అర్హతలు మారాయి
టెక్నికల్ క్వాల్ఫికేషన్ తప్పనిసరి

అక్కడే ఉంది టెక్నిక్
ఉద్యోగం చేయడం ఎలా?
ఉన్నతాధికారులతో మెలగడంలో మెళకువలు
సబార్దినేట్స్ సహకారం పొందే విధంబెట్టిదనిన ..
బుక్ ఎగ్జిబిషన్లో పుస్తకాలు
పలువురికి ఉపాధి పధకాలు

ఉద్యోగం అంటే
నెలకోసారి వచ్చే జీతం కాదు
ఉదయం పది గంటలకు
కార్డ్ స్వాప్ చేసి
సాయంత్రం థంబ్ ఇండికేట్లో
సంతకం వచ్చీ వేలిముద్ర వేయడం కాదు

ఇలాగే బతకాలనుకోవడం
ఉద్యోగం ..
నెల బాకీలన్నీ ..ఒక రోజు తీర్చి
మరో నెల కోసం ఎదురు చూడ్డం
ఇలా పన్నెండు నెలలు కళ్ళు కాయలు కాసేలా
నిరీక్షించి ..కుంగి.. కృశించి ..
ఇంక్రిమెంట్ అందుకుందాం ..
అలా కాలానికి తెలియకుండా
కాలంలో కరిగిపో..
జనాభా లెక్కల్లో మనిషిగా
మిగిలిపో ..

ఓ అంతుబట్టని అరుణ కవీ
నీ కధలలో పాత్రనే జీవితం చేసుకున్న రవీ
నేనుగానే వెళ్లి పోతానన్న ..ఇలానే ఉంటానన్న
ఉద్యోగం కోసం వెదుకుతున్న నాకు తెలిసిన
ఆ నలుగురూ...