అమ్ముకుంటే పాపమా?

ఇదీ పాపమేనా?
ముల్లకంచెల్లోవదిలేయలేదే
పందులో ... కుక్కలకో ఆహారం కాలేదే

కన్నది ఒకరైతే
కొనుక్కున్నది మరొకరు
పేదరికం దాతృత్వం ఐతే
వేరొకరికి మాతృత్వం ...

లక్షలు పోస్తే
లక్షణమైన బిడ్డనిచ్చే
సంతాన సాఫల్య కేంద్రానికి లైసెన్సు
ఆకలితో బిడ్డను అమ్ముకుంటే న్యూసెన్సు

చావూ నేరము
పుట్టుకా నేరం
చెబుతోంది చట్టం

అక్షరం ముక్క రాకపోఇనా
రాజ్యాంగం సెక్షన్లకు అనుగుణంగా
కనడమైనా... కొనడమైనా... జరగాల్సిందే
లేదంటే చట్టం తన పని చేసుకు పోతుంది