అమ్మకు జే. . జే. .

మదర్స్ డే నాడు అమ్మకు జే జే

ఫాదర్స్ డే నాన్నకు నమస్కారం
జీవితాన్ని జీతానికి అమ్మేసిన జీవులం
కన్నోల్లకు ఇంకేమి కానుకలు ఇవ్వగలం

ఆక్వేరియంలో చేప పిల్లల్లా
ఇంటి గేటుకు కట్టేసిన కుక్కలా
కుంచించుకుపోయిన ప్రపంచం
జీవితంలాగే నిస్సారం

హాస్టల్లో చదివిన బుద్ధీ జ్ఞానం
కన్నోళ్ళను వృద్ధాశ్రమంలో చేర్పించింది
ఏడాదిలో రోజులన్నీ అమ్ముడుపోయాయి
ఒక ప్రేమ పూర్వక పలకరింపూ నా దగ్గర లేదు

రెప్పలు మూసి గుండెను తెరిచి
నిద్ర నటిస్తూన్న కాలంలో
తీరే కోరికలు.. నెరవేర్చలనుకున్న ఆశయాలకు
కలలోనూ చోటు దక్కలేదు ..