నన్ను ప్రేమిస్తావా?

డెబిట్ కార్డ్ 

జీరో బేలన్స్
క్రెడిట్ కార్డ్
బిల్ పెండింగ్

నాన్న సైడ్
నో అసెట్స్
అమ్మ తరపు
అసలు అడగొద్దు

బాడుగ ఇల్లు
రోగాల వల్లు
అరటి ఆకు కొలువు
అప్పులకు నెలవు

చుక్కకో ముక్కకో
పక్కకో కక్కుర్తి పడే
దేవుడిచ్చిన తండ్రి (గాడ్ ఫాదర్)
నను పెంచుకోడు

విమానమంత
విశాల హృదయానికి
టు లెట్ బోర్డ్
పెట్టి చాలా రోజులైంది

తలపుల తలుపు
కాంటాక్ట్ నంబర్ కు
రాంగ్ నంబర్ కాలూ
రావట్లేదు

నా సర్వనామం
పెళ్ళికాని ప్రసాద్
ఒక్క మిస్సుడ్ కాల్ వస్తే
నా మిస్సెస్ చేసుకుంటా

ప్రేమించానని
ఒక్క మాట చెబితే
ఒంటరితనానికి
రాజీనామా చేస్తా

ఏడడుగులు నడుస్తానంటే
ఏడవడం మానేస్తా
మూడు ముళ్ళేయనిస్తే
మూడీ బిరుదు వదులుకుంటా

కనిపించిన వారినల్లా
కలలో కంటూ
స్వప్న స్ఖలనాలపై
నిదిరిస్తున్న
స్ఖలిత బ్రహ్మచారిని
కరుణించే దేవత కోసమీ ప్రార్ధన
.............. శ్రీచమన్ .................. (11. 01. 2015)